♥ ♥ .. بنـــات آخـــر شقــاوة .. ♥ ♥

    شاطر

    الشرقاوى
    عضو نشيط
    عضو نشيط

    الجنسيه : مصرى
    عدد المساهمات : 23
    نقاط النشاط : 3243
    التفاعل : 0
    تاريخ التسجيل : 10/02/2010

    عادى ♥ ♥ .. بنـــات آخـــر شقــاوة .. ♥ ♥

    مُساهمة من طرف الشرقاوى في الجمعة فبراير 12, 2010 12:23 pm

    الحلقة الثامنة



    بعد ما ملك طلعت من الملجأ ركبت السياره الى كان فيها ريتاج وشاهى وقالت ريتاج بتساؤل :ايه الى حصل جوا؟
    وبدأت ملك تحكيلهم كل الى حصل من طقق لسلام عليكوا ..
    ملك بتنهيده:بس هو ده الى حصل ......
    شاهى بجديه:طب انتى هتعملى ايه دلوقتى ؟؟
    ملك بحيره :والله مش عارفه ..بس كل الى انا عرفاه انى لازم اشوف بابا..
    ريتاج:طب والمدرسة هتعملى فيها ايه ؟؟
    ملك بحيره اكبر:مش عارفه..... مش عارفه ...(مسكت رأسها) مين الى كان متوقع انى ممكن يحصلى كدة
    شاهى وهيا بتخفف عليها:ربك يحلها ....رجب(اسم السواق)متشغل حاجه ..
    ريتاج:لالالالا ..بما ان احنا فى الاجازه ايه رايكم نروح الملاهى؟
    شاهى:والله فكره...ماهو انتى بتعرفى تفكرى اهوو امال عامله فيها عبيط افندى ليه يا ختى؟
    ريتاج بضحكة مصطنعه:هاهاهاها (وبعدين كشرت )باااايخه
    شاهى:ما علينا ها هنروح فين بقى ؟؟
    ملك باستغراب:غريبه...مش من عواديك يعنى يا شاهى انك تسكتى لريتاج ايه الى حصل الشمس طالعه منين النهارده؟؟
    شاهى باستهبال:من الشمااال ..لا علشان انا مش فايقه لها
    ريتاج بخبث: امال فايقه لمين ..لعلى مثلا ؟؟
    شاهى: ههههههههههه ضحكتينى وانا مش عايزه اضحك ..على مين وحسين مين .يابنتى انا قلبى قفلته بمفتاح ورميته فى البحر
    ريتاج بخبث:امال وشك بيقلب اشاره مرور ليه لما يبصلك يا ختى
    شاهى بضيقه :ريتاج اقفلى على الموضوع احسنلك ..يلا قولتو ايه هنروح فين ؟؟
    ريتاج عرفت ان شاهى اتضايقت من الحكايه فمرضتش تتكلم فيها تانى :ايه رأيكم فى .......
    شاهى:اوكى معنديش مانع وانتى يا ملك ايه رأيك؟
    ملك بضيقه:اللى يعجبكم.
    ريتاج:طب ايه رأيكم نروح نأكل حاجه وبعدين نروح ...............
    ملك وشاهى:اوكى
    شاهى :بس غير المطعم اياه
    ريتاج بتحايل :لالالا والنبى اخر مره يا شوشو
    شاهى:دلوقتى بقيت شوشو يا ختى لا انا عرفاكى انك عيله وهترجعى فى كلامك تانى
    ريتاج بنفس التحايل :لالالا اخر مره بليييييز ..ملك متقولى حاجه
    ملك :ماخلاص يا شيشه(دلع شاهى )سيبها المرادى بس
    شاهى :طيب بس احنا ملناش دعوه بيهم اوكى
    ريتاج بابتسامه:ماشى يا عسل..
    شاهى باستهبال:ماشى بيعرج ..
    وانفجروا فى الضحك وقالت ريتاج بعد نوبه الضحك:رجب اطلع على المطعم
    رجب :تحت امرك

    &&&&
    ولما وصلوا المطعم قالت شاهى:الحمدلله انهم مش موجودين
    وحست ريتاج بخيبه امل كبيره وجلسوا على طاوله وبعد مرور حوالى عشر دقائق
    وصل احمد وعلى وحست ريتاج بفرح كبييير وسرعان ما تحول هذا الفرح على حزن حين قالت شاهى:انتى اسكتى وانا اتكلم معاهم ماشى
    وجت ريتاج ترد عليها قاطع كلامهما قدوم احمد وعلى
    وقال احمد:ازيكم يا بنات ايه الغيبه دى
    محدش رد عليه
    وقال على وهو يوجه نظره لشاهى:ايه اتأخرنا عليكم
    شاهى: ومين الى قالك ان احنا كنا مستينكم من اصله
    احمد:الله الله ..طب ليه ليه الوش ده بس
    شاهى :هو كدا اذا كان عاجبك ولا مش عاجبك يلا يا بنات
    وقاموا البنات التلاته وعدت ريتاج من عند احمد وبصتله شويه وبعدين مشيت من عنده
    ولما طلعو بره قالت ريتاج بعصبيه:ممكن افهم يا ست شاهى انتى ايه الى عملتيه جوا ده
    شاهى :احسن يستاهل
    ريتاج:هو مين ده الى ي.....
    وقاطعتها ملك :خلاص يا جماعه يلا بينا على الحديقه
    وركبوا العربيه
    &&&&
    نرجع لوراء شويه
    عند احمد وعلى
    كانو احمد وعلى فى ذهول تام قام على
    وقال :انت فاهم حاجه يا احمد؟
    احمد:لا ...انت فاهم حاجه
    على :لا البت شاهى بتعمل معانا كدا ليه ؟
    احمد :وانا ايش عرفنى يا اخويا
    على :طب تعال نروح وراهم
    احمد:يلااا......
    وطلعوا وراهم وشافوهم وهما بيطلعو العربيه واخدوا عربيتهم وطلعوا وراهم
    ولما وصلو البنات قطعوا تذاكر ودخلوا جوا وهكذا احمد وعلى وراهم
    وقعدوا فى مكان
    وقالت ملك :حد يروح يجيب لنا حاجه نأكلها احسن احنا ملحقناش ناكل فى المطعم
    ريتاج :انا هروح عايزين ايه
    شاهى :انا عايزه .......و.......
    ملك :وانا زيها
    ريتاج:من عيونى سلااام
    ومشيت ريتاج ولما شافها احمد ماشيه قال لعلى اللى كان مش منتبه ليه اصلا علشان كان بيبص لشاهى من بعيد:على شوية كدا وجاى خليك هنا اوكى؟
    ومردش عليه على ومشى وسابه وقام احمد مشى وراء ريتاج بمسافه بعيد شويه وبعدين لقى شويه شباب بيعاكسوها
    قام وجه عندهم وقال:فى ايه يا روح امك سكتك خضرا
    واحد من الشباب :وانت مالك انت يا خفيف اطلع منها بس
    احمد بعصبيه :هتمشى ولا اوريك حاجه عمرك ماشوفتها
    وخافو الشباب ومشيوا والتفت الى ريتاج وقال :انتى كويسه؟
    ريتاج باستغراب:كويسه ..انت ايه الى جابك هنا
    احمد :رجليا
    ريتاج:ههههههههههههه
    احمد بابتسامه :تعرفى ان ضحكتك حلوه؟
    ريتاج بغرور:عارفه اتقالى كتير
    احمد بغيره :ومين بقى اللى قالك
    ريتاج: ناااس
    احمد: ما انا عارف انهم ناااس بس مين؟؟
    ريتاج:وانت بتسأل ليه ؟؟؟
    احمد برتباك:عادى يعنى فضول
    ريتاج:طب خلى فضولك لنفسك

    احمد مراغى
    عضو جديد
    عضو جديد

    الجنسيه : مصرى
    عدد المساهمات : 17
    نقاط النشاط : 3185
    التفاعل : 0
    تاريخ التسجيل : 15/02/2010

    عادى رد: ♥ ♥ .. بنـــات آخـــر شقــاوة .. ♥ ♥

    مُساهمة من طرف احمد مراغى في الإثنين فبراير 15, 2010 10:58 am



    رائعه تسلم ايدك

    رونالدينهو
    العضويه الفضيه
    العضويه الفضيه

    الجنسيه : مصرى
    عدد المساهمات : 70
    نقاط النشاط : 3259
    التفاعل : 1
    تاريخ التسجيل : 21/02/2010

    عادى رد: ♥ ♥ .. بنـــات آخـــر شقــاوة .. ♥ ♥

    مُساهمة من طرف رونالدينهو في الأحد فبراير 21, 2010 5:02 pm

    مكووووووووووووووووووووووووووووووووووووووووووووووور جدا اوى خالص

    دنيا
    عضو نشيط
    عضو نشيط

    الجنسيه : مصرى
    عدد المساهمات : 22
    نقاط النشاط : 3197
    التفاعل : 0
    تاريخ التسجيل : 10/02/2010

    عادى رد: ♥ ♥ .. بنـــات آخـــر شقــاوة .. ♥ ♥

    مُساهمة من طرف دنيا في الأحد فبراير 21, 2010 5:24 pm

    ههههههههه لا بجد كويسه بس انت اللى كتبتها فعلا

    كوكا كوكا
    العضويه الذهبيه
    العضويه الذهبيه

    الجنسيه : مصرى
    عدد المساهمات : 109
    نقاط النشاط : 3274
    التفاعل : 0
    تاريخ التسجيل : 18/02/2010

    عادى رد: ♥ ♥ .. بنـــات آخـــر شقــاوة .. ♥ ♥

    مُساهمة من طرف كوكا كوكا في الإثنين فبراير 22, 2010 8:11 pm

    مشكووووووووووووووور
    avatar
    dmo34
    عضو جديد
    عضو جديد

    الجنسيه : مصرى
    عدد المساهمات : 8
    نقاط النشاط : 3170
    التفاعل : 0
    تاريخ التسجيل : 21/02/2010

    عادى رد: ♥ ♥ .. بنـــات آخـــر شقــاوة .. ♥ ♥

    مُساهمة من طرف dmo34 في الإثنين فبراير 22, 2010 9:40 pm

    merci merci merci merci merci merci merci merci
    merci merci merci merci merci merci merci merci merci merci
    merci merci merci merci merci merci merci merci
    merci merci merci merci merci merci merci merci merci merci

      الوقت/التاريخ الآن هو الجمعة أكتوبر 19, 2018 5:48 pm