فى الفتره الاخيره كترت الاسئله حول كلمة (للكبار فقط)
وفى اعضاء كتير بتقول ان ازاى الفيلم موجود فى المنتدى ومكتوب عليه للكبار فقط وانا حملته وملاقيتش فيه اى مشاهد مخله بالاداب. فنا عملت الموضوع ده مخصوص عشان نفهم كل الاعضاء امتى الفيلم يكون للكبار فقط ولا يصلح للمشاهده العائليه وامتى يكون للكبار فقط ويصلح للمشاهده!!!
على سبيل المثال فيلم
The Book of Eli 2010
الفيلم ده موجود فى المنتدى ومكتوب عليه للكبار فقط على الرغم ان معظم الاعضاء اتفرجوا عليه ولاقوه ان هو لايحتوى على اى مشاهد مخله بالاداب طيب ليه الفيلم مكتوب عليه للكبار فقط؟؟؟
اول حاجه ان الفيلم يكون للكبار فقط او لاء مش احنا اللى بنحددها لاء دى الداتا بيس بتاعه الافلام الاجنبى ( IMDB )
هما الى بيقولوا ان الفيلم ده للكبار فقط. بس هما بيقولوا للكبار وبيقولوا سبب ان هو للكبار فقط
فالاعضاء عن طريق الIMDB يقدروا يعرفوا اذا كان الفيلم يحتوى على مشاهد مخله او لا يحتوى على مشاهد. لاكن الاعضاء ازاى يقدروا يوصلوا للمكان الى مكتوب فيه سبب ان الفيلم للكبار فقط؟؟
الشرح
كل الافلام الى موجوده فى المنتدى بيكون فيها الشعار ده
فحنا هندوس على الشعار ده اللى موجود جوه الموضوع بتاع الفيلم هيفتحلنا الصفحه بتاعه الداتا بيس فهننزل بالصفحه لتحت لحد مانوصل لكلمه اسمها MPAA
وجمب الكلمه دى اذا كان الفيلم للكبار فقط هنلاقى مكتوب حرف ال R
وجمب الحرف هنلاقى سبب ان الفيلم ده للكبار فقط فذى ماقولت مثلا فيلم
The Book of Eli 2010
هنبص على السبب اللى مخلى الفيلم للكبار هنلاقيه كده
يعنى معناها ان الفيلم للكبار عشان يحتوى على بعض العنف واللغه
وده طبعا معناه ان الفيلم لايحتوى على اى مشاهد مخله
وانا هقولكم هما ليه قالوا كده
هما ممكن يقولوا للكبار عشان يعنى ماتجيش تتفرج مع اخوك الصغير وتيجى تانى يوم تلاقيه بيتخانق مع الحيطه او تلاقيه بينط من الشباك فاكر نفسه سوبر مان
فده السبب اللى خلاهم يقولوا للكبار فقط
ولاكن فى افلام تانيه بتكون فعلا للكبار فقط ولا تصلح للمشاهده العائليه زى مثلا فيلم
Cabin Fever 2 2009
هنخش على الموضوع ونفس الحكايه هندوس على صورة الIMDB
وننزل فى الصفحه من تحت ونبص على سبب ان الفيلم للكبار فقط هنلاقيه كده
strong bloody violence and gore, disturbing gross , sexuality/nudity and pervasive language
وده معناه ان هو للكبار عشان بيحتوى على بعض العنف وبعض المشاهد المخله بالاداب
يعنى من الاخر احنا اول ما نلاقى الكلمه دى sexuality
نفهم على طول ان الفيلم ده بيحتوى على مشاهد مخله بالاداب
ارجوا ان ربنا يكون وفقنى وقدرت افهم الاعضاء